VISITOUNOS O ESCRITOR VICENTE MUÑOZ PUELLES

   Encontro co escritor valenciano, Vicente Muñoz Puelles, o día 9 de febreiro de 2015 nas dúas sesión da tarde do luns.

   Presentou a obra Polizón a bordo entre o alumnado de 1º da ESO.

 Ao remate, fíxoselle entrega dun agasallo moi especial: un conto colectivo Humana por una temporada (creado polo alumnado de 1º da ESO) que tiña por protagonista a unha vaca con problemas intestinais .

Este é o personaxe principal da xornada!

 Naceu no noso IES con motivo deste encontro porque, para a ocasión, o alumnado contou  a historia dos seus terribles problemas intestinais...

http://issuu.com/lenguamaruxamallo/docs/20150226105130393

UN ENTROIDO MOI TURÍSTICO

Este curso, na nosa liña viaxeira, disfrazámonos de turistas. Seguimos disfrutando co proxecto lector e cada quen decidiu o seu lugar de destino.
Houbo desfiles, concurso. risas e premios...

DÍA DA PAZ NO MARUXA MALLO

      Este curso para celebrar o Día da Paz decidimos dedicarlle a xornada aos Premios Nobel da Paz do século XXI. Cada grupo traballou sobre un premiado ou premiada e preparou información para expoñer nas portas das aulas para así compartilo con todos. Titorías e  equipo de Dinamización prepararon unha presentación ppt. para proxectar no recreo do día 30. Presentación que disfrutamos de xeito conxunto a ritmo de Rosario Flores, John Lennon, Ana Belén, etc.

Na imaxe recóllese un momento da proxección

A VIAXE DAS MOCHILAS VIAXEIRAS

Un ano máis ,  deixaron o centro no Nadal para viaxar e compartir coas familias moitas novas aventuras en forma de libros, xogos e outros materiais...

Esta é a máis tímida (a das Viaxes) porque ten un papel protagonista este curso.
Para ela será a súa primeira saída ao exterior.

VISITAMOS A BIBLIOTECA MUNICIPAL

O pasado luns, 24 de novembro, visitamos a biblioteca do concello e puidemos ver e disfrutar de moitos libros de viaxes. Tamén nos deron unha interesante charla contra a violencia de xénero. 

Na imaxe estamos na Biblioteca municipal coa coordinadora da mesma.

A NOSA BIBLIO ESTÁ MOI VIAXEIRA!

 Parece que xa está a interpretar o papel deste ano que dedicamos ás viaxes...

 Agora xa non lle parece suficiente con saír do seu espazo para visitar todo o IES (baixo aparencia de mural, presentación en ppt, kamishibais, folios A3, A4, viñetas, cartolinas, etc.) senón que emprendeu aventura cara á Santiago!!!

 O pasado sábado, 8 de novembro, participou nas "V Xornadas de Bibliotecas escolares" presentando o traballo conxunto que se fixo no centro sobre o tema do Proxecto lector "O ano do Cómic". 

 Que dicir de poder compartir esa experiencia co resto das biblios?
 FANTÁSTICOOOO!!!

DÍA DAS BIBLIOTECAS

Repetimos traxe de festa para celebrar o Día das bibliotecas porque é o cartel do ano pasado pero non nos importou nada porque o día foi igualmente especial entre carnés, sorteos, agasallos...