Visita de Carme Vidal para falarnos de Maruxa Mallo

Xa que este curso, a homenaxeada no Día das Artes foi precisamente Maruxa Mallo,

tivemos a visita da xornalista Carme Vidal:

Esta xornalista publicou no ano 2000 unha biografía divulgativa da pintora na colección ‘Mulleres’ da editorial A Nosa Terra.

A importante investigadora lucense Tarsy Carballas visita a nosa Biblio

O 7 de Abril tivemos a honra de recibir a visita da investigadora lucense María Tarsy Carballas Fernández.  

Deunos unha charla na Biblio, respostando ás preguntas que lle preparara o alumnado de 4ºESO. E encantounos coñecer da súa man pinceladas da súa vida e das súas investigacións.

Gustounos escoitar tamén os seus consellos e vicisitudes como muller traballadora e admiramos a súa humildade a pesar da importancia do seu currículum:

 

 Licenciada en Farmacia e en Ciencias Químicas con Premio Extraordinario e doctora en Farmacia (sobresaliente cum laude) pola USC.

É pioneira no estudo da xénese, clasificación e cartografía dos solos da zona templado-húmida de España y na recuperación dos solos afectados polos incendios. 

Doctora ad honorem no Instituto de Investigacións Agrobiológicas del CSIC, centro do que foi directora durante 10 anos. 

O presidente da Xunta presenta o Plan LÍA desde a nosa Biblio!!

Onte recibimos unha visita que non ocorre moi a miúdo...
O presidente da Xunta, Alberto Núñez Feijoo, achegouse ao noso centro:
Coñeceu algunhas actividades que se están a realizar co , visitou a aula de informática na que traballaba o alumnado da materia de Tratamento da Información (materia moi ligada ao traballo da biblioteca, na que se trata de que o alumnado adquira ferramentas para desenvolverse na actual sociedade da comunicación e da información)
E posteriormente presentou, desde a nosa Biblio, o plan LIA de bibliotecas (2016-2020).
Aquí tendes algunhas fotos da visita: