ÚLTIMA REUNIÓN DO CLUB DE LECTURA DE ADULTOS

 Este club de lectura de adultos pechou o curso o pasado luns, 9 de xuño,  coa lectura da novela de Manuel Rivas, Tras do Ceo.

Con Emmanuelle Laborit escuchamos el mudo grito de una gaviota a través de las páginas de su libro. Ella queriendo conectar con el mundo con el único sonido que conseguía pronunciar.

Gracias a García Márquez sufrimos ese ahogado grito sanguinolento de Santiago Nasar, ¡Ay! Ese fatum del que no pudo huir ni del que tampoco pudimos prevenirle a tiempo. No lo consiguieron los personajes de la obra y tampoco pudimos hacerlo como meros lectores y lectoras de sus páginas.

Ben preto da saída de Ordes na autoestrada, fomos da man dunha libreira con alma de detective, coñecida como Ferruchi. Entre preguntas e temas diversos foi quen de dar co asasino do veterinario, ese que parecía non ter vida, nin animais, pero cun mundo interior ben enrevesado. Quizais polas circunstancias vividas cando perdeu o pai, pero iso non o descubrimos ata a metade da novela.

En galego e, tamén, da man dun escritor galego, Manuel Rivas, fomos ata Tras do Ceo. Entramos nel, todo sexa dito, cun certo temor do que iamos atopar...¿cazadores?, ¿un xabaril branco? Supoño que a imaxe de Abril chegou para deixar a luz do seu nome e para que non quedemos só coa sensación noxenta da crueldade e das miserias dunha vila e das súas xentes.

GRACIAS ás persoas que formaron parte deste club!!!

Por escoitar, por participar, por ler e por aportar.

Neste caso, creo que si que conseguimos manter o lema e o espírito co que naceu este club de lectura:

LECTURAS COMPARTIDAS = EXPERIENCIAS VIVIDAS

GRACIAS!!!

Detective Ferruchi, un dos últimos libros do club de lectura de adultos.

 No xantar dese luns, 5 de maio, xuntámonos os membros do club de lectura para comentar Detective Ferruchi, novela de Marta Villar.

O título, froito dun híbrido que nos resultou sorprendente, polo estraño e case imposible de casar conceptos como a alta costura e os ferros. Iso non nos axudou moito nun principio. Logo, entre as cartas de Xan e as reviravoltas de Sol e Amil, xa nos fomos centrando, pese a esa diversidade de temas que ían abrindo portas e máis portas. O máis doado sería perderse sen dar coa saída pero non foi o que sucedeu.

 Coincidimos nos nosos comentarios en que esta periodista malpicá introduciu moitos temas na novela. Houbo opinións diversas á hora de decidir se eran demasiados ou se non o eran. En xeral, a valoración da obra foi bastante positiva.

Deixamos atrás a Sol, Amil, Acacio, Xan, Xulio, Cantoná, O Milano e comezamos outra viaxe, a última deste curso. 

Agora fomos da man do escritor Manuel Rivas e das páxinas da súa nova novela, Tras do Ceo. Na próxima entrada poderedes ler as nosas impresións.

 

FELIZ SEMANA DO LIBRO!

 LE e CURIOSEA!

Porque hai moitos tipos de libros, este ano sacamos ao corredor unha pequena mostra...

O NOVO ESPAZO XA ESTÁ FUNCIONANDO

A BIBLIOTECA ESTÁ DE REFORMAS

 Proximamente subiremos a imaxe do resultado final dese novo espazo na biblio. 

Polo momento, caixas, andeis desmontados, mesas sen orde...

 

BIBLIOJUEGO 2025

Preguntas sobre os libros de lectura en 1º da ESO. As respostas podían buscarse 

nos lapbooks preparados polo alumnado e nos propios libros na biblioteca.

Aí van algunhas imaxes

 

 

 

 

Reunión do club de lectura de adultos o 24 de febreiro de 2025

 A reunión xirou arredor de Santiago Nasar, si, aquel que en el día que lo iban a matar se levantó a la 5.30 de la mañana para esperar el buque en el que llegaba el obispo.

Como vedes, tocou todo un clásico, Crónica de una muerte anunciada,  e houbo opinións diversas. En xeral, a trama convenceu e deunos para debater sobre por que ninguén o avisou, por que ela daría ese nome que sentenciou ao personaxe, a superstición; o viúvo que lle vende todo, mesmo os recordos, a quen pensa que con cartos todo ten prezo, etc.

Lasaña, brownie e queique de Ordes foron o marco culinario desta historia.

Aí vai unha imaxe con algunhas das persoas que participaron:

 

 

Das propostas que tiñamos escolleuse a de Marta Villar, Detective Ferruchi. Esa é a próxima aventura!!!