OUTRAS ACTIVIDADES CO CLUB DE LECTURA

      Desde o club de lectura, e como complemento das lecturas que realizamos, ás veces podemos levar a cabo actividades como as que  veredes a continuación:

      Unha saída ao cine en Coruña, para ver "Asesinato en el Orient Express", un dos libros lidos no 1º trimestre polo grupo dos maiores. En xeral parece que gustou máis o libro que a peli, aínda que esta non estaba mal:

      Outra actividade foi ver no centro a película de Narnia, que nos gustou moito, incluso nos foi difícil a algúns elixir entre libro e peli!: 

 

 




 

OS REIS TROUXERON SORPRESAS PARA O CLUB DE LECTURA

Feliz Ano 2018 a todo o centro!!

      Como podedes observar, no Club de Lectura estreamos o 2018 cunha festa de inauguración da nova sala de reunións... Comprobade o ben que estivo a festa, nas fotos a continuación e neste vídeo que nos preparou Amparo :

 Aquí tendes algunhas fotos dos distintos momentos, comezando, como non, polo momento de retirar a cinta das portas, por parte da nosa coordinadora do club: Ana Rey. Queda así inaugurado, nas súas palabras, "o templo da lectura do IES Maruxa Mallo" :

 

 

 

SAEN AS MOCHILAS VIAXEIRAS!!

Antes do Nadal, por fin as mochilas viaxeiras se foron de viaxe para as vosas casas:

Desexámosvos que as desfrutedes moito!! 

ENTRADA AO UNIVERSO

Grazas a todos os traballos que estades elaborando nas diversas materias, a entrada do noso centro parece cada vez máis un Universo no que nos adentramos, misterioso e inspirador...

Desde a Biblio queremos agradacervos a profes e alumnado todo o voso bo facer!!!

 

LECTURAS DESTE TRIMESTRE NO CLUB DE LECTURA

CON L DE LER:  As nosas lecturas

Aquí tendes os libros que estivemos lendo neste trimestre os grupos do club de lectura. 

Podedes consultalo no recén estreado taboleiro do Club de Lectura!

 

DIVÍRTETE CO XOGO DO UNIVERSO!!

DIVÍRTETE CO XOGO DO UNIVERSO!!

Ponte a proba:  
- Debes trasladar á moza da pantalla a cada elemento do sistema solar e responder á pregunta correspondente,

que relaciona ese planeta coa música, co cine, coa mitoloxía ou coa ciencia.

- Por cada acerto obterás 3 puntos

- Por cada erro perderás 2 puntos.

Para comezar, clica no enlace inferior:

https://scratch.mit.edu/projects/186138524/#editor

Moita sorte e a disfrutar co Universo!!!

MOCHILAS VIAXEIRAS

Xa temos lista de alumnas e alumnos para comezar a levar as mochilas viaxeiras!

Sairán en breve para as vosas casas.

Que as disfrutedes moito en familia!!!